Vilagarcía gaña o reto solidario da reciclaxe ao crecer nun 10 %

O dous mil euros en metálico do premio deben destinarse a unha causa social e recibiraos Cáritas Interparroquial

093eaaa42ab9d65f98d25fdc7a68623a4deef347
A Consellería de Medio Ambiente e Ecoembes lanzaron no mes de maio un reto para que os concellos mellorasen as cifras de recollida selectiva. Un reto no que a proposta era incrementar o volume de residuos depositados nos contedores de cor amarela para a súa posterior reciclaxe e no que Vilagarcía logrou mellorar nun 10% o seu volume. Grazas a isto o Concello recibirá dous mil euros, que serán doados a Cáritas Interparroquial de Arousa respectando o espírito do concurso que se denominaba «Recicla, Respìra e Supérache».

A campaña realizouse durante os meses de maio, xuño e xullo en Vilagarcía e noutros catorce municipios de Galicia que decidiron aceptar o reto e nos que se desenvolveron distintas accións promocionais. A intención da iniciativa era dobre: promover a reciclaxe, pero tamén a solidariedade. 

O reto era claro: tratábase de mellorar as cifras municipais do contedor amarelo, no que se depositan briks, latas e plásticos. Se esa melloría nas cifras superaba o 10 % con respecto ás do ano anterior, o bo facer dos veciños sería premiado con dous mil euros en metálico que deberían ir destinados a algunha causa social e que o Concello decidiu neste caso que fose para Cáritas.

O motivo da elección de Cáritas, segundo apúntase desde Ravella, é que ambas as institucións colaboran xa desde hai algúns anos nunha iniciativa ambiental e de promoción do emprego. Se tata de Arroupa, unha actividade que consiste na recollida de roupa en distintos contedores que están colocados por todo o municipio, para o seu arranxo ou para a conversión en tecidos que, posteriormente, véndense en tendas. 

Liño Mouriño, concelleiro de Medio Ambiente, acudirá este venres a Santiago para participar no acto de entrega dos galardóns aos concellos que superaron o reto solidario.

Voltar o listado