Segundo indica o xornal, no ano 2020, a veciñanza de Vilagarcía depositou no contedor amarelo un total de 764,8 toneladas de envases lixeiros, o que supón un 11,5% máis en comparación co ano anterior. Na banda contraria atópase o papel-cartón, xa que a súa reutilización experimentou un descenso do 5% respecto ao ano 2019. Así, no seu conxunto, a recollida selectiva total aumentou case un 4% na cidade.

Nos meses de reclusión domiciliaria rexistráronse mínimos na recollida de cartón e papel. Pola contra, foron os meses de xaneiro, xuño e decembro os que computaron os máximos anuais.

No que respecta á recollida de envases lixeiros (envases de plástico e metal) a tendencia foi distinta. E é que foi en abril, en pleno confinamento, cando se alcanzou a cifra máis elevada de residuos depositados no contedor amarelo, con 72.180 quilos. Despois de abril, os meses nos que os a cidadanía de Vilagarcía reciclou máis envases lixeiros foron decembro, con 68.030 quilos, e agosto, con 60.030.

Desde o Concello valoran que “en Vilagarcía contribuímos cada vez máis ao bo costume de reciclar” en base á memoria do servizo de recollida selectiva que presta  Coregal para o  Concello.