A acción humana ten unha gran parte da responsabilidade. Por iso, datas como o Día da Terra, celebrado este 22 de abril, buscan crear conciencia sobre o noso papel no coidado do planeta, o único fogar que coñecemos. 

O Día da Terra é unha data recollida no calendario oficial da Organización das Nacións Unidas (ONU), exposta en 1970 polo senador estadounidense Gaylord Nelson.

O seu obxectivo era crear unha conciencia común sobre os problemas que estaban a poñer en perigo a supervivencia do planeta: sobrepoboación, conservación da biodiversidade ou contaminación, entre outros.

Trátase dun día para render homenaxe ao noso planeta e recoñecer á Terra como o noso fogar e a nosa nai, tal e como o expresaron distintas culturas ao longo da historia, sinalando a interdependencia entre os seus moitos ecosistemas e os seres vivos que a habitamos.

Desde a celebración do primeiro Día Mundial da Terra, fai xa máis de medio século, a conciencia ambiental pasou de ser unha cuestión marxinal a converterse nunha preocupación xeral compartida en todo o mundo.

O Día da Terra 2022 marcará o 52 aniversario desta festividade, cuxo tema este ano é "Inviste no noso planeta".

O cambio climático está a afectar a todos os ecosistemas, provocando novos problemas de saúde e afectando á economía mundial. Temos a oportunidade de restaurar a Terra e facer fronte a estes problemas. E debemos facelo non só porque nos preocupamos polo mundo natural, senón porque vivimos nel. Un planeta san non é unha opción, é unha necesidade.

Os mensaxes deste ano céntranse en que necesitamos actuar (audazmente), innovar (amplamente) e implementar (equitativamente). Empresas, gobernos e cidadáns estamos representados e á vez somos responsables de levar a cabo unha verdadeira alianza polo planeta.